హ్యూమన్ బీయింగ్ గా గుర్తించుకోవాలనుకుంటా

‘మమతల తల్లీ.. ఒడి బాహుబలీ లాలనతేలీ.. శతధావరలీ ఎదలో ఒక పాలకడలి.. మధనం జరిగే స్థలీ..’ పాడిన గొంతే… కొంటెగా.. ‘సోగ్గాడే.. చిన్నినాయినా.. ఒక్కపిట్టనైన కొట్టలేదే సోగ్గాడూ..’ అంటూ దుమ్మి రేపిందంటే నమ్ముబుద్ది కాదు. ఆమే సత్య యామిని. మమతలతల్లీ పాట..శివగామి అనే పాత్రలోని స్వభావాన్ని, గాఢతను ప్రకటించింది. ఈ పాటలోని ఎమోషన్‌ జనాలను కట్టిపారేసింది. ఆ చిన్నిగొంతులో చక్కగా పలకడంవల్లనే.. పాట అంత హిట్టయ్యింది. చిన్నతనం నుంచీ పాటే ప్రాణంగా బతికినందుకు ఆమెకు దక్కిన అపురూప బహుమతి అది. ‘బాహుబలి’ తో లభించిన గుర్తింపుతో పలు సినిమాల్లో.. ప్లేబ్యాక్‌ సింగర్‌గా, మరో ప్రక్క స్టేజ్ షోలతోనూ ఫుల్ బిజీ అయ్యిపోయింది. అతి చిన్న వయస్సులోనే తనకంటూ అభిమానులను, క్రేజ్ ని సంపాదించుకుని ఆకాశమే హద్దుగా దూసుకుపోతున్న గాన కోయిల సత్యయామినితో ఉగాది పూట తెలుగు 100 చిట్ చాట్ మీకోసం..
  1. పాడిన పాటలో ఇష్టమైనవి ఏవి
నేను పాడినవి అన్ని ఇష్టమే. కొంచెం స్పెషల్ గా మమతల తల్లి ఇష్టం. దాని వల్లే ఐయామ్ ఇంటూ ప్రొఫెషనల్ సింగింగ్, జనాలు నన్ను గుర్తు పడుతున్నారు. ఆ పాట నా హృదయానికి దగ్గరగా అనిపించింది. ఇక నాకు రాసిపెట్టి ఉంటే నేనే పాడతాను. చాలా పాటలు ఇష్టం. నేను పాడిన పాటల్లో. ఏ పాట నేను పాడాలో అదే నాదగ్గరకు వస్తుందని అనుకుంటాను. 2. అవార్డ్ వచ్చినప్పుడు కీరవాణిగారు, రాజమౌళి గారు ఏమన్నారు రాజమౌళి గారు, కీరవాణి గారు ఏమన్నారు అంటే ఏమి అనలేదు. కీరవాణి కూడా బాగుందని, ఇంకా నేర్చుకుని బాగా పాడు అన్నారు. అవార్డ్ వచ్చిందని తెలిసి కంగ్రాట్స్ చెప్పారు. రాజమౌళిగారు కూడా అవార్డ్ వచ్చిందంకు కంగ్రాట్స్ చేసారు. 3. భవిష్యత్ లో మిమ్మల్ని అభిమానులు ఎలా గుర్తు పెట్టుకోవాలనుకుంటున్నారు నన్నెలా గుర్తు పెట్టుకోవాలి అంటే… నేను ప్యూచర్ లో ఇంకా చాలా చాలా పాటలు పాడాలి. ఆ విధంగా కూడా గుర్తు పెట్టుకోవాలి. గుడ్ సింగర్ గానే కాకుంండా మంచి హ్యూమన్ బీయింగ్ గా గుర్తు పెట్టుకోవాలి. 4 మళయాళంలో పాడటం కష్టమైందా మళయాళంలో పాడాను. నాకు మళయాళం రాదు. అది చాలా చాలా కష్టమైన భాష. కాకపోతే పాటలు రాసిన లిరిసిస్ట్ ఉండి ఏ వర్డ్ ఎలా ప్రొనౌన్స్ చేయాలో …ఎలా పాడాలో చెప్పారు. దాంతో కొంత ఈజీ అయ్యింది. దగ్గరుండి పాడించారు. ట్యూన్ ఆల్రెడీ పాడి ఉన్నాను కాబట్టి..మరికాస్త ఈజీ అయ్యింది. 5. ఈ మధ్యకాలంలో తెలుగు పాటల్లో తెలుగు తగ్గి ఇంగ్లీష్ ఎక్కువైందనే విమర్శలు వస్తున్నాయి కదా…దానిపై ఓ సింగర్ గా మీ స్పందన సిట్యువేషన్ ని బట్టి సాంగ్ ఉండాలి. అందులో పదాలు ఉండాలి. సాంగ్ కు సింగర్, ట్యూన్ ఎంత ముఖ్యమో లిరిక్ అంతకన్నా ఎక్కువ ఇంపార్టెంట్. డెఫినెట్ గా లిరికల్ ఇంపార్టెంట్ ఉన్న పాటలు రావాలి. సాంగ్ సిట్యువేషన్ ,రిక్వైరమెంట్ ని బట్టి ఇంగ్లీష్ పదాలు అవసరమైతే ఉండచ్చు.
  1. లిరిక్ ని ట్యూన్ డామినేట్ చేసేస్తోంది. పాటలో సాహిత్యం వినపడలేదని చాలా కాలంగా కంప్లైంట్ ఉంది, మీరేమంటారు
మ్యూజిక్ డామినేట్ చేస్తోంది అంటే..ఇవాళ అంతా టెక్నికల్ అయ్యిపోయింది. ఇనిస్ట్రమెంట్స్ అన్ని కొత్తకొత్తగా ఉపోయోగించి సంగీతం రూపొందిస్తున్నారు. ఆ సౌండింగ్ కు మ్యూజిక్ డామినేట్ చెయ్యటం ఇంపార్టెంట్ అనేది నడుస్తోంది. కాకపోతే మెలిడోస్ కూడా వస్తూనే ఉన్నాయి. లిరికల్ వ్యాల్యూస్ ఉన్న పాటలు కూడా వస్తున్నాయి. ట్రెండ్ వెళ్తోంది. దాన్ని ఫాలో అవుతున్నాం అంతే. 7. ఉగాది ని ఎలా సెలబ్రేట్ చేయబోతున్నారు ఉగాది అంటే…సంప్రదాయంగా ఓణి, శారీ కట్టుకుని చేసుకోవనేది ఫాలో అవ్వను. కాని ఉగాది పోగ్రామ్స్ కు అవుటాఫ్ కంట్రీ వెళితే ఖచ్చితంగా ట్రెడిషనల్ డ్రస్ వేసుకునే పోగ్రాం చేస్తాము. కాకపోతే మరీ మెటీరియలిస్టిక్ గా కాకుండా కాస్త సెంటిమెంటల్ గా ఉంటాను. ఉగాది రోజు ఏదన్నా కొత్తది నేర్చుకోవటం కానీ, కొత్త పని చేయటం కానీ చేస్తాను. 8. న్యూ ఇయిర్ రెజిల్యూషన్ ఏదైనా కొత్తగా ప్రారంభిస్తాను. అది పుస్తకం కావచ్చు ..పాట కావచ్చు ..నేర్చుకోవటం కావచ్చు. స్వస్థలం: హైదరాబాద్ చదువు: ఘట్‌కేసర్‌లోని సీఎస్సార్ ఇంజినీరింగ్ కాలేజీలో బీటెక్ ఫేవరెట్ సింగర్: పి.సుశీల పేరు తెచ్చిన పాటలు: 1. మమతల తల్లి ఒడి బాహుబలి… (బాహుబలి), 2. సోగ్గాడే చిన్నినాయనా ఒక్క పిట్టనైన కొట్టలేడు… (సోగ్గాడే చిన్నినాయనా) 3. ఎదురుగా ఒక వెన్నెల… (భద్రం బీకేర్‌ఫుల్ బ్రదరూ), 4. మగువ మనసు… (ఏమో గుర్రం ఎగరావచ్చు), 5. సన్నజాజి పడక… రీమిక్స్ (సైజ్ జీరో)